隔離日記 - 第七天

今日係叫做第七日, 應該.....

今朝體溫好低, 我諗係因為琴晚冷氣開太勁, 今朝額頭凍... 

要特別記錄下個早餐, 實在係太齋, 花卷雞蛋粥.... 頂唔順叫左個朋友買定啲榨菜備用

今日無乜上過堂, 運動都做少左... 但係netflix 睇足... 唉... 要改一改

書就追番進度, 希望隔離完之前可以睇完一半

最後終於send 左個email... 調整心情, 睇下有咩覆啦

另外, 今日有位好耐無見既朋友都過黎揮下手, 係開心既

隔離日記 - 第六天

琴晚早瞓, 今日起身就好精神下

然後就開始第六日啦, 今日安排多左野比自己做, 其實都無咩特別.

心情亦都無乜影響, 每一個鐘頭做少少運動, 總好過坐一日都唔做運動

繼續上網學第二個course, 但無睇書就瞓... 唉

隔離日記 - 第四天

今日早餐又早左啲, wifi 又快左, 我諗都因為愈黎愈少人住既關係啦

今朝行雷好大聲, 又好長. 但都無阻我繼續瞓覺

起身擦牙洗面食早餐, 我發覺隔日就係食包, 然後今日都重可以stick 住自己既規矩, 希望可以堅持落去

今日無咩特別, 無人黎揮手. 不過係衛生局打比我, 確定5號可以Check out. 重有11日

隔離日記第三天

今日係第三日, 送早餐既時間早左, 我諗係因為愈黎愈少人隔離, 所以送餐時間可以加快

今日收完早餐瞓到十一點, 食完又差唔多食午餐, 其實真係同養豬差唔多. 因為都係無咩空間可以郁動.

今日做左其他運動, 練腹肌, 聽日會練番手. 因為唔想每日都重覆同一部份.

另外, 今日亦玩左啲野, 掛左件衫係窗口, 睇下有無朋友過黎揮下手. 今日成績係兩個朋友見到件衫但無揮手. 有一個朋友揮左手, 叫做係係隔離之中攞少少樂趣啦

然後今日又發現netflix 有套舊劇好好睇, 一口氣睇左8集.... 我下左個規矩比自己, 聽日開始一日唔可以睇超過三集, 而且一定要上網學習同埋睇書!

重有就係要做運動同埋寫blog記錄下隔離既日子

有時間我會upload 番啲餐飲既相. 其實餐飲唔算差, 我覺得可以

澳門隔離的第二天

其實, 琴日唔駛係第一日, 因為只係入住既儀式.

今日係第一次二十四小時留係酒店隔離

今日無咩特別, 第二日重係有少少渡假既感覺. 朝早好早就收到早餐. 收早餐的同時保安會幫你量體溫同埋自己要登記. 就咁樣無所事事咁渡過..... 做左小小運動, 上網學習.

今日我細佬亦拎左補給品比我, 每日下午五點到七點, 家人或者朋友可以拎野去酒店前台, 再由前台送去房間. 但只有入無出, 隔離既人係唔可以比野出邊

無咩補充. 就咁

澳門隔離第一日

落機同平時差唔多，過關得我同同機另一個乘客兩個人

過左關量體溫 填基本資料 對名

然後另一個衛生局員工再核對資料 填自願隔離聲名書 被安排隔離酒店

然後就係等車黎接 拎行李 過海關 上車去山頂做核酸檢查

到山頂急診，對名登記

鼻腔檢查 撩左成10秒都有 比日本撩得深 但唔會好唔舒服 好快無事 做完就去酒店

去到酒店 落車量體溫 對名 攞啲資料 攞房咭 就上房

六點落機 八點多啲番到房 等左一陣送左個炒面黎做晚餐 咁就完左第一日

貿易條件解釋

適用任何運送方式

費用包括運費和保險

EXW - ex works
工廠交貨條件(加填指定交貨地) ; 買家風險最高, 所有負用買家負責

FCA - Free Carrier

貨交運送人條件 (加填指定交貨地) ; 貨物到運送人前所有費用由賣家負責, 包括海關檢查和稅款 ; 運費一般由買家負責, 但因為一般賣家比較清楚物流價格, 所以一般由定期船安排的話由賣家報價

CPT - Carriage Paid To
運費付訖條件 (加填指定交貨地) ; 貨物到目的地前所有費用由賣家負責, 包括出口海關檢查和稅款, 到目的地港的運費 **不含保險及目的地的處理費用和搬運費**

CIP - Carriage and Insurance Paid To
運保費付訖條件 (加填指定交貨地) ; 貨物到目的地前所有費用由賣家負責, 包括出口海關檢查和稅款, 到目的地港的運費含保險 **不含目的地的處理費用和搬運費**

DAT - Delievered At Terminal
貨運終點站交貨條件 (加填目的港或目的地的指定貨運終點站) ; 貨物到貨運目的地前所有費用由賣家負責, 包括出口海關檢查和稅款, 到目的地港的運費, 保險, 貨運終點地的處理費用和搬運費. 貨物已經卸貨

DAP - Delievered At Place
目的地交貨條件 (加填指定目的地) ; 貨物到目的地前所有費用由賣家負責, 包括出口海關檢查和稅款, 到目的地港的運費, 保險. **貨物未卸貨,不含目的地的處理費用和搬運費**

DDP - Delivered Duty Paid
稅訖交貨條件 (加填指定目的地) ; 所有費用由賣家負責

適用於海運或水運

FAS - Free Alongside Ship
船邊交貨 (加填指定裝船港) ; 貨物到船邊前所有費用由賣家負責, 包括海關檢查和稅款 ; 運費由買家負責

FOB - Free On Board
船上交貨 (加填指定裝船港) ; 貨物到船上前所有費用由賣家負責, 包括海關檢查和稅款 ; 運費一般由買家負責, 但因為一般賣家比較清楚物流價格, 所以一般由定期船安排的話由賣家報價

CFR - Cost And Freight
運費在內條件 (加填指定目的地港) ; 貨物到船上前所有費用由賣家負責, 包括海關檢查和稅款, 到目的地港的運費 **不含保險**

CIP - Cost Insurance and Frieght
運保費在內條件 (加填指定目的地港) ; 貨物到船上前所有費用由賣家負責, 包括海關檢查和稅款, 到目的地港的運費和保險

2019年前幾年的回顧

今年應該會係我另一個想改變既年頭
上年年尾打算辭去我依家既工作, 改成自己創業同學一啲其他既技能

畢究已經33歲有多, 無事業,無家庭乜都無, 諗番起我10年, 15年前既夢想, 真係覺得自己一事無成

但呢啲都係自己一連串既選擇所得出既結果, 無得怪人既

今年要為自己打算, 唔再活係為人著想既一年!

要加把勁為未來既事打好啲基礎, 希望我有咁既能力去戰勝未來幾年既挑戰