泰國曼谷到布吉自駕遊小記

呢篇主要係寫曼谷渣車到布吉既心得, 時間預算, 旅程計劃等.

日期: 2013年8月
地點: 曼谷, 布吉
車輛: Honda Stepwgn
人數: 4人
單程點到點距離: 861km
地圖: Click me
金錢: 大約1升油行到10公里, 當時油價大約39 (95號)
(以下所有交易金額為當地貨幣)

係曼谷Suvarnabhumi Airport落機攞埋行李, 一出閘即刻去true 買張3g 上網咭呢幾日用 (經驗所知true 既3G 即使係南部都收到, 但訊號唔係話好穩定, 速度ok)

買完prepaid card, 行過隔離攞已經book 好既Stepwgn, 租車公司係 Sixt. 呢間公司係全球連鎖, 可以係佢網站到Search 有咩車, 但你要搵MPV 就要去佢既泰國網站搵, 你會搵到Stepwgn / Alphard, 因為Alphard 係2.4, 同埋價錢貴過Stepwgn 一倍, 唔係3.0 我無需要捒Alphard, 所以捒左平小小既Stepwgn; 我地人數雖然只有4個, 但由於行李多, 而且單程成861km, 我地決定搵部舒服又裝得多野既車.

攞車手續好簡單, 比Passport, 國際車牌, 本地車牌, 同埋比張信用咭佢, 佢會look 20K 做deposit, 還車時無事就會退番; 比哂野佢, 等佢送部車黎就check 車, 由於我買左SCDW (即係無墊底費), 所以大家check 車都比較求其, 如果你無買, 務必要認真咁check, 所有你懷疑既地方都要同職員確認以免到時還車就一定係自己自負. 如果你無泰國地圖, 建議你亦租埋佢個GPS, 300 1日; 我有自己既TomTom, 所以我無租.

好, 搞掂簽埋文件就講byebye 走人, 入曼谷交兩程高速錢, 總共70 唔收咭. 去到Siam 站附近接埋幾個團友就出發... 出曼谷市區例牌塞車. 交高速向今晚停一晚既華欣方向出發, 18:00 係Siam Paragon 開車, 差唔多晚上22:30 先到華欣食飯, 食完飯就番酒店休息一晚.

第二日一早7:30 起身, 酒店無包早餐所以諗住邊行邊食, 之前好擔心沿途油站唔收咭, 好破落, 同埋要隔好遠先有一個油站. 點知出乎意料, 每大約30公里就有一個油站, 而且每個油站都基本上收咭, 而且好多都有7仔, 所以我地既擔心係多餘既. 由於路程比較遠, 油缸打爆都係行得5百幾公里, 所以一間入左兩次油, 我建意大家可以係近住春蓬既PTT 油站食飯, 因為果到差唔到係行程既中段, 而且係唯一一個油站有KFC. 當然如果你想食下其他野都可以, 但我覺得KFC 信得過.

一路路況都唔錯, 雙向四線, 中間分隔開, 唔會好多大坑, 基本上130, 140 咁行都唔會好辛苦同危險, 而且中間都留意過馬路上邊係無超速相機, 所以好多車都開得好快, 4號 > 41 號 都唔錯, 但當到左401 既後段就變成雙向兩線, 而且開始多急灣, 貨車, 係呢到唔熟路我唔建意行咁快, 跟住既415 我覺得係大陸既省道, 如果車多速度會更加慢. 然後又接番4號, 最後就過橋到布吉範圍啦.

回程都係差唔多, 9點由布吉Double tree check out, 中間入油兩次, 中間係KFC食飯一次, 最後18:30 就能夠到曼谷市區食飯, 算係唔錯.

P.S. 路程上邊會有機會遇到警察查車, 我就來回各遇到一次, 但兩次警察都係揮揮手叫我走, 車都唔駛停, 就算要, 都唔駛緊張, 拎Passport, 國際車牌同車既文件比佢睇就得.

後記: 其實今次係因為某啲私人原因先會渣車去布吉, 直常我一定會建意你飛機去, 去到布吉再租車, 一來慳時間二來機票唔會貴過入油錢.
另外就係泰國人渣車其實好有禮貌同好肯讓人, 佢見到你行得快過佢佢會讓你行先, 但自己亦唔好長期霸住右線, 如果真係要霸麻煩你渣快d....

2012 - May The U.S. eastern coast road trip

檢視較大的地圖>

New York city > Atlantic City > Parsippany, NJ > Boston > Buffalo > New York City

total distance 1,326 miles (google point to point distance only), I've driven almost 1,500 miles in that 7 days.

台灣4日3夜自駕考察(宿舍)親子團

檢視較大的地圖
A: 台灣台北市信義區W TAIPEI
B: 台灣台北市大安區大安路一段橘色涮涮屋
C: 陽明山公園
D: 台灣新北市淡水天元宮
E: 礁溪老爺大酒店, 262台灣宜蘭縣礁溪鄉五峰路69號礁溪老爺大酒店
F: 台灣宜蘭縣羅東鎮羅東夜市
G: 富濠大飯店 (台灣106台北市大安區復興南路二段9號 +886 2 2325 0722)